Вакцина коронавирус пандемиясини тубдан ўзгартиради - ЖССТ

JENEVA. Kazinform – Келгуси йилнинг март ойида аҳолининг ижтимоий ҳимояга муҳтож қатламига коронавирусга қарши вакцина етказиб берилса, бу пандемия жараёнини тубдан ўзгартиради. Бу ҳақда Жаҳон соғлиқни сақлаш ташкилоти бош директорининг маслаҳатчиси Брюс Эйлвард гапириб берди, деб ёзади Kazinform Reuters агентлигига асосланиб.

Брюс Эйлвард Pfizer Inc's PFE.N компанияси томонидан ишлаб чиқарилган коронавирусга қарши вакцина сўнгги текширув босқичидан «ижобий» баҳо билан ўтаётганини маълум қилди.

«Бу ҳали оралиқ натижа, бизда жуда кўп иш бор... Аммо бугун биз дунёда келажакка умид берадиган ижобий натижаларга эришдик», - деди у 194 мамлакат вакиллари иштирок этган форумда.

Унинг сўзларига кўра, март ойига қадар дунёда амалга оширилаётган катта ҳажмдаги ишлар туфайли коронавирус инқирози билан боғлиқ вазият кескин ўзгариши мумкин.

Pfizer компанияси ўз вакцинасини 90 фоиз самарадор дея баҳоламоқда.