Ўзбекистонлик боксчиларнинг WBA рейтингидаги ўринлари маълум бўлди

TASHKENT. Kazinform — Бутунжаҳон бокс ассоциацияси (WBА) январь ойи учун янгиланган рейтингни эълон қилди, деб хабар беради Kazinform Ўзбекистон профессионал бокс федерациясига таяниб.

Ушбу рейтингдан ўзбекистонлик 6 боксчи ўрин олган бўлиб, Муроджон Аҳмадалиев вақтинчалик чемпион сифатида қайд этилган. Шаҳрам Ғиёсов ва Ҳасанбой Дўсматов ўз вазн тоифаларида биринчи ўринни эгаллаб турибди.

Рейтингдаги ўзбекистонлик боксчилар:

Ҳасанбой Дўсматов - (минимал вазн) 1-ўрин (ўтган ойда ҳам 1-ўрин;)

Муроджон Аҳмадалиев (биринчи ярим енгил вазн) - вақтинчалик чемпион;

Отабек Холматов (ярим енгил вазн) - ўтган ойдаги сингари 4-ўрин;

Шаҳрам Ғиёсов (ярим ўрта вазн) - ўтган ойдаги сингари 1-ўрин;

Исроил Мадримов (супер ярим ўрта вазн) - 4-ўрин (ўтган ойда ҳам 4-ўринда эди);

Бектемир Мелиқўзиев (супер ўрта вазн) - 3-ўрин (ўтган ой ҳам 3-ўринда эди).

Эслатиб ўтамиз, аввалроқ Ўзбекистонлик Исроил Мадримов WBO рейтингида юқорилагани ҳақида хабар берган эдик.