Ўзбекистонда қуёш панели орқали ишлаб чиқарилган электр минг сўмдан сотиб олинади
TASHKENT. Kazinform - Қуёш панели ўрнатган аҳоли томонидан ўз эҳтиёжидан ортиқча ишлаб чиқарилган электрнинг ҳар бир киловатти учун 1 000 сўмдан субсидия берилади, яъни давлат электрни аҳолидан 1000 сўмдан сотиб олади, деб хабар беради Kazinform агентлиги ЎР Адлия вазирлигининг расмий Huquqiyaxborot Telegram-каналига таяниб.
Мазкур субсидияни олиш учун “Soliq” мобил иловаси орқали рўйхатдан ўтиш лозим.
Тадбиркорлар томонидан қуёш, шамол ва биогаз электр станцияларида ишлаб чиқарилган ҳар бир киловатт электр 720 сўмдан сотиб олинади. Бунга оид шартномани тузиш учун “Ҳудудий электр тармоқлари” АЖнинг туман (шаҳар) филиалларига мурожаат қилиш лозим.
Эслатиб ўтамиз, аввалроқ Ўзбекистон ҳукумати Туркманистон юк машиналаридан олинадиган бож миқдорини оширгани ҳақида хабар берган эдик.
