Ўзбекистонда ишсизлик даражаси 6,8 фоизгача камайди
ТASHKENT. Кazinform - Ўзбекистонда ишсизлик даражаси 2020 йилдаги 10,5 фоиздан 2024 йил бошига келиб 6,8 фоизгача камайди. Бу ҳақда Камбағалликни қисқартириш ва бандлик вазирлиги матбуот хизмати хабар беради.
Камбағаллик даражаси 2021 йилдаги 17 фоиздан, 2023 йилда 14 фоизга, 2024 йил бошида эса 11 фоизга камайган.
Аҳоли бандлигини таъминлаш ва камбағаллик даражасини пасайтириш мақсадида ўтган 6 ойда 113 минг нафар ишсиз фуқаро касбий ва тадбиркорлик кўникмаларига ўқитилди. Ўтган йилнинг шу даврига нисбатан бу кўрсаткич 1,5 баробар ошди.
2024 йил июнь ойида хорижда ишлаш истагида бўлган 64 минг нафар фуқаро қонуний, хавфсиз ва уюштирилган ҳолда хорижга ишлашга юборилди.
“Ўзбекистон – 2030” стратегиясига кўра, 2024 йилда қашшоқлик даражасини 10 фоизга камайтириш режалаштирилган.
Эслатиб ўтамиз, Ўзбекистонда Қозоғистон капитали иштирокидаги 1043 та корхона фаолият кўрсатмоқда.
