Ўзбекистонда харид қилиш тартиб-таомилларининг янги турлари жорий этилади

TASHKENT. Kazinform – Ўзбекистон Президенти томонидан имзоланган Қонун билан "Давлат харидлари тўғрисида"ги Қонунга давлат харидлари тизимини янада такомиллаштиришга қаратилган қўшимча ва ўзгартиришлар киритилди, деб хабар беради Kazinform агентлиги UzAга таяниб.

Маълум қилинишича, ушбу Қонун билан кичик қийматли харид учун соддалаштирилган тартиб-таомил ва икки босқичли давлат харидлари каби харид қилиш тартиб-таомилларининг янги турлари жорий этилишини назарда тутувчи қўшимча ва ўзгартиришлар киритилмоқда.

“Барқарорлик принципи, марказлашган давлат харидларини амалга ошириш механизми, ҳадли келишувни тузиш ва амалга ошириш тартиби, шунингдек давлат харидлари соҳасидаги шикоятларни кўриб чиқиш чоғидаги манфаатлар тўқнашувининг олдини олиш бўйича чоралар ҳамда бошқа масалалар белгиланмоқда”, дейилади хабарда.

Эслатиб ўтамиз, Ўзбекистонда фаол нуронийлар ҳар ой рағбатлантирилиши ҳақида хабар берган эдик.