Ўзбекистонда гуруҳ бўлиб ҳаракатланадиганлар учун поезд чипталарига чегирма берилади

TASHKENT. Kazinform – Ўзбекистонда гуруҳ бўлиб ҳаракатланадиганлар поезд чипталарини харид қилишда имтиёзга эга бўладилар, деб хабар беради Kazinform агентлиги Ўзбекистон Адлия вазирлигига таяниб.

Қонунчиликка кўра, 10 ва ундан ортиқ йўловчидан иборат гуруҳлар чипталарининг умумий қийматидан жамоавий чипта бўйича қуйидаги миқдорда чегирмалар тақдим қилинади:

йўналиш масофаси 2000 км гача бўлганда (бошқа поездга ўтишни ҳисобга олиб):

• гуруҳдагилар 10 нафардан 24 нафаргача бўлганда чипталарнинг умумий тўлиқ қийматидан 10 фоиз;
• гуруҳдагилар 25 нафар ва ундан ортиқ бўлганда чипталарнинг умумий тўлиқ қийматидан 15 фоиз;
• йўналиш масофаси 2000 км дан ортиқ бўлганда (бошқа поездга ўтишни ҳисобга олиб):
• гуруҳдагилар 10 нафардан 24 нафаргача бўлганда чипталарнинг умумий тўлиқ қийматидан 20 фоиз;
• гуруҳдагилар 25 нафар ва ундан ортиқ бўлганда чипталарнинг умумий тўлиқ қийматидан 30 фоиз.

Эслатиб ўтамиз, аввалроқ Ўзбекистонда 1 июлдан бошлаб фуқаролардан қоғоз ҳужжатлар талаб қилинмаслги ҳақида хабар берган эдик.