Ўзбекистонда чет эл инвестицияси иштирокидаги корхоналар сони очиқланди

TASHKENT. Kazinform — Миллий статистика қўмитаси маълумотларига кўра, 2025 йил 1 август ҳолатига Ўзбекистонда чет эл инвестицияси иштирокида 16 609 та корхоналар фаолият юритмоқда.

Шундан 4 094 таси қўшма ва 12 515 таси хорижий корхоналардир.

Улар тармоқлар кесимида таҳлил қилинганда, энг юқори улуши 35,9 % - савдо соҳасига тўғри келган.

Иқтисодий фаолият турлари бўйича улар қуйидагича:

• савдо соҳасида – 5 960 та;
• саноат соҳасида – 3 449 та;
• қурилиш соҳасида – 1 248 та;
• ахборот ва алоқа – 1 220 та;
• яшаш ва овқатланиш бўйича хизматлар соҳасида – 704 та;
• ташиш ва сақлаш соҳасида – 551 та;
• қишлоқ, ўрмон ва балиқчилик хўжалиги соҳасида – 404 та;
• соғлиқни сақлаш ва ижтимоий хизмат кўрсатиш соҳасида – 197 та;
• бошқа соҳаларда – 2 876 та.

Эслатиб ўтамиз, Ўзбекистонда ишлаб чиқаришнинг асосий капиталга хорижий инвестиция ва кредитлар ҳажмидаги улуши 32 % га етди.