Уй қамоғида ўтирган италиялик ўзини қамоққа олишларини талаб қилди

Италиянинг Фрозиноне коммунасида уй қамоғидаги эркак бошқа маҳбуслар билан бирга Рождество байрамини нишонлаш учун ўзини қамоққа олишларини сўради, деб хабар беради Kazinform агентлиги Мir24 манбасига таяниб.

24 ёшли Марио ёлғиз яшайди ва у кичик жиноятлар учун уй қамоғида.

Байрам арафасида у уйдан қочиб, Сан-Доменико қамоқхонасига борган.

У қишки таътилни ёлғиз ўтказмаслиги учун полициядан жазонинг қолган қисмини қамоқда ўташини сўраган.

Бироқ Марионинг илтимоси рад этилди ва у уй қамоғига қайтарилди, деб ёзади Corriere Della Sera газетаси.

Бунгача Италиянинг Порденоне шаҳрида босқинчилар квартирани тунаб, унинг эгасидан кечирим сўраб ёзув қолдирган.

Жиноятчилар озиқ-овқат сотиб олишга пуллари йўқлигини ёзишган.