Ўтган йили Қозоғистонга хориждан кўчиб келганлар сони 15,3 фоизга ошди
ASTANА. Кazinform – 2024 йилда Қозоғистонга доимий яшаш учун 29 282 киши келган, 12 732 киши эса мамлакатни тарк этган. Миграция сальдоси 16550 кишини ташкил этди. Шундай қилиб, икки йил давомида ташқи миграциянинг ижобий сальдоси кузатилмоқда.
2023 йилга нисбатан Қозоғистонга келганлар сони 15,3 фоизга ошган, хорижга кетаётганлар сони эса 20,9 фоизга камайган.
— Мамлакатнинг асосий миграция алмашинуви МДҲ давлатлари билан амалга оширилади. Мустақил Давлатлар Ҳамдўстлигидан келганлар улуши 81,6 фоизни ташкил этган бўлса, ушбу давлатларга кетаётганлар улуши 74,8 фоизни ташкил этади. Миллий статистика бюроси баёнотида айтилишича, бошқа давлатлар қаторида кўчиб келганларрнинг кўпчилиги Хитой, Мўғулистон ва Туркиядан бўлган, кўчиб кетганлар эса Германия, Польша ва АҚШга кетган, - дейилади Миллий статистика бюроси хабарида.
Чет элдан доимий яшаш учун келганлар асосан Алмати шаҳри (6260 киши), шунингдек, Алмати (4788 киши) ва Манғистау (3680 киши) вилоятларини танлаган. Аксинча, энг кўп чиқиб кетганлар Шимолий Қозоғистон (2133 киши), Қарағанди (1588) ва Шарқий Қозоғистон (1195 киши) вилоятларида қайд этилган.
Мамлакат ичида кўчиб ўтувчи сони 2023 йилга нисбатан 47,6 фоизга ошган. Ҳудудлараро миграциянинг ижобий сальдоси республиканинг 4 та ҳудудида: Астана (73 238 киши), Алмати (36 061 киши), Чимкент (9 361 киши) шаҳарлари ва Алмати вилоятида (2 639 киши) шаклланмоқда.
Эслатиб ўтамиз, аввалроқ 2025 йил учун ватандошларни қабул қилиш бўйича ҳудудий квоталар тасдиқлангани ҳақида хабар берган эдик.
