US Open: Елена Рибакина иккинчи босқичга чиқди

ASTANА. Кazinform — Қозоғистоннинг биринчи ва жаҳоннинг 4-ракеткаси Елена Рибакина АҚШ очиқ чемпионатининг иккинчи босқичига йўл олди.

Қозоғистонлик теннисчи илк даврада дунё рейтингида 194-ўринни эгаллаб турган австралиялик Дестани Айава билан куч синашди.

Бу икки рақибнинг биринчи учрашуви эди.

Биринчи партияда Рибакина дубл-брейк амалга ошириб, яққол устунлик кўрсатди - 6:1.

Иккинчи сетда ҳисоб 3:3 бўлганида қозоғистонлик спортчи брейк билан олдинга чиқиб олди, бироқ ўз геймини бой берди – 4:4. Ҳисоб 5:6 бўлиб, Елена тўп узатганида Айава учта сетболдан фойдалана олмади. Кейин Рибакина тай-брейкда муваффақиятли ўйнади - 7:6 (7:1).

Бир соату 22 дақиқа давом этган мусобақада Рибакина 11 эйс билан бирга 6 та брейк-пойнтнинг ярмидан фойдаланди. Айава 5 та эйс, 1 та брейк (5 та брейк) билан чекланди.

Елена Рибакина АҚШ чемпионатининг учинчи босқичига чиқиш учун 173-ўринни эгаллаган франциялик Жессика Понше билан беллашади. У 1294-ўриндаги хитойлик Чжэн Сайсайни мағлуб этди - 6:4, 6:1.

Е.Рибакина спорт карьераси давомида ҳеч қачон АҚШ чемпионатининг учинчи босқичидан нарига ўта олмаган. Бу сафар қандай бўлишини кейинги ўйинлар кўрсатади.

Эслатиб ўтамиз, Бейбит Жуқаев Хитойдаги мусобақани ғалаба билан бошлади.