UEFA президенти қайта сайланди

ASTANA. Kazinform – Александер Чеферин Европа футбол уюшмалари иттифоқи (UEFA) президенти этиб қайта сайланди. Бу ҳақда Португалия пойтахти Лиссабонда бўлиб ўтган UEFAнинг 47-конгрессида маълум бўлди, дея хабар беради Kazinform мухбири.

Европа футбол уюшмалари иттифоқи хабарига кўра, Александер Чеферин яна тўрт йил давомида мазкур иттифоқни бошқаради. Сайлов пайтида у ягона номзод эди. Ушбу мутахассис 2016 йилдан буён UEFAни бошқариб келмоқда.

Александер Чеферин 1967 йилда Югославияда (ҳозирги Словения) туғилган. 2005 йилдан буён футбол соҳасида фаолият юритиб келмоқда. 2011 йилда Словения футбол ассоциациясини бошқарган, 2011-2016 йилларда эса UEFA ҳуқуқ қўмитаси раиси ўринбосари лавозимида ишлаган.

Фото: Getty Images

Муаллиф: Адилжан Умбет