Туркманистон президенти Гурбангули Бердимуҳамедов ҳокимиятни ёшларга топширишини айтди

None
None
ASHKHABAD. Туркменстан сегодня - Kazinform – Туркманистон етакчиси Гурбангули Бердимуҳамедов Туркманистон халқ Маслиҳатининг сессиясида нутқ сўзлади, деб хабар беради Kazinform Туркманистон давлат ахборот агентлигига таяниб.

«Маълумки, бундан 15 йил аввал, 2007 йил 17 февралда мамлакатимизда Туркманистон Президенти сайлови бўлиб ўтди. Ўшанда халқим мени юқори давлат лавозимига муносиб кўрди ва катта ишонч қозонди», - деди Туркманистон раҳбари.

У ўз нутқида бу ишонч 2012 ва 2017 йилларда бўлиб ўтган умумхалқ сайловларида ҳам яхши ҳис этилганини таъкидлади.

«Мана 15 йилдан бери Туркманистон президенти лавозимида ишлайман. Айни пайтда мен Туркманистон Вазирлар Маҳкамаси Раиси, Давлат хавфсизлик кенгаши раиси, Туркманистон Қуролли Кучлари Олий Бош Қўмондониман», - деди президент.

Туркманистон раҳбари икки йил аввал пайғамбарлик ёшига етганини ва бугун ўзи ҳақидаги қийин қарорни муҳокама қилмоқчи эканлигини айтди.

«Мамлакат тараққиётининг ҳозирги босқичида давлат бошқарувини маънавий муҳитда, замон талаблари асосида тарбияланган ёш етакчиларга бериш керак, деган фикрни қўллаб-қувватлайман. Халқ Маслиҳати Раиси сифатида мен ўзимнинг катта ҳаётий ва сиёсий тажрибамни шу соҳага йўналтириш ниятидаман», - деди Президент Гурбангули Бердимуҳамедов.

Сўнгги хабарлар