Туркиянинг Бодрум аэропорти яқинида катта ўрмон ёнғини содир бўлди

BODRUM. АNADOLU – Кazinform – Туркия жанубидаги Муғла провинциясидаги Бодрум аэропорти яқинидаги ўрмон ҳудудида ёнғин содир бўлди. Ҳозирда бу ҳудудда ҳаво ҳарорати 43 даражадан ошди, дея хабар беради Каzinform Туркиянинг Аnadolu агентлигига таяниб.

Ёнғинларни ўчиришда Ўрмон хўжалиги вазирлигининг 9 та вертолёт ва 9 та самолёт, 53 та автоцистерна, 4 та бульдозер, ФВВ ва шахсий таркибнинг 300 нафар ходими иштирок этмоқда. Кечаси ўрмон ёнғинини ўчиришга тунги кўриш тизимига эга вертолёт жалб қилинган.

Муғла губернатори Орхан Тавли ёнғинни ҳаво ва қуруқликдан ўчириш давом этаётганини маълум қилди. Миляс туманида қариялар эвакуация қилинди.

Қишлоқ ва ўрмон хўжалиги вазири Иброҳим Юмакли воқеа жойини кўздан кечирди ва ёнғин назорат остида эканлигини маълум қилди. Унинг аниқлик киритишича, ёнғин аэропорт яқинида бошланган.

Унга кўра, мамлакатда яна 6 та ёнғин содир бўлган: Измирда иккитадан, Ҳатайда иккитадан ва Қаҳромонмараш ва Баликесирда биттадан ёнғин содир бўлган.

Ёнғин сабаблари аниқланмаган. Ҳозирда тергов ҳаракатлари олиб борилмоқда.

Аввалроқ Туркиянинг мамлакат шимолидаги Қора денгиз соҳилида жойлашган провинцияларида кучли ёмғирдан кейин сув тошқинлари содир бўлган эди. Дузже ва Зонгулдак провинциялари зарар кўрди.