Туркияда кучли ёмғир сув тошқинига сабаб бўлди

АNKARА. Кazinform - Туркиянинг бир нечта провинцияларида кучли ёмғирлар бирданига ёғиб, сув тошқинларига олиб келди. Ҳозиргача тўрт киши ҳалок бўлгани, ўнлаб киши жароҳатлангани ва бир неча киши бедарак йўқолганлиги маълум қилинган, деб хабар беради Kazinform мухбири.

Кучли ёмғир Туркиянинг йигирмага яқин провинциясини қамраб олди. Анқара ва Истанбул каби шаҳарларда огоҳлантиришлар берилди.

Невшеҳир, Ақсарай ва Кайсери провинцияларида сув тошқини оқибатида 3 киши, жумладан, уч ойлик чақалоқ ҳалок бўлди. Йўл ҳаракати учун ёпиқ йўлларда транспорт воситаларида қолиб кетган 13 нафар фуқаро қутқарилиб, тез ёрдам машинасида шифохонага етказилди.

Бундан ташқари, Қораденгиз соҳилида жойлашган Аксарай, Киркларели ва Игнеада шаҳарларида 5 киши бедарак йўқолган, маҳаллий аҳоли орасидан икки фуқаро қутқарилган.

AFAD (ТР Фавқулодда вазиятлар вазирлиги) раҳбариятининг баёнотига кўра, ҳозирда одамлар қутқарилиб, бедарак йўқолган фуқароларни қидириш ишлари олиб борилмоқда.

Муаллиф: Ақжигит Чукубаев