Туркия терроризмга қарши курашда Эронни қўллаб-қувватлайди – Эрдоған

Бу ҳақда Туркия Президенти маъмуриятининг Алоқа бошқармаси хабарида айтилди.
Баёнотда айтилишича, Туркия раҳбари тинч аҳолига қарши қаратилган терактни қоралаган.
Давлат раҳбари Туркия терроризмга қарши курашда Эронни қўллаб-қувватлашига ишонтирди.
Президент Эрдоған, Эронни террорга қарши курашда биргаликда ҳаракат қилишга чақирганини такрорлади.
Эрон президентининг эртага режалаштирилган Туркияга сафари кейинга қолдирилди.
Эроннинг Керман провинциясида Қосим Сулаймоний қабри яқинида содир бўлган иккита портлаш қурбонлари сони 103 кишига етди, яна 211 киши жароҳат олди.
Ҳодиса 2020 йил 3 январь куни Бағдодда АҚШ ҳаво ҳужумида эронлик генерал ҳалок бўлганининг 4 йиллиги муносабати билан содир бўлган.
Эрон ҳукумати 4 январни бутун мамлакат бўйлаб мотам куни деб эълон қилди.
Эслатиб ўтамиз, Керман шаҳрида Қосим Сулаймоний дафн этилган қабристонга олиб борувчи йўллардан бирида иккита портлаш содир бўлган эди. Қурбонлар сони 103 кишига етди, 170 нафар фуқаро тан жароҳати олди.
Иброҳим Раиси 4 январь куни Анқарага келиши ва Туркия-Эрон олий даражадаги ҳамкорлик кенгашининг саккизинчи йиғилиши очилишидан олдин Туркия Президенти Режеп Таййип Эрдоған билан яккама-якка музокаралар ўтказиш режалаштирилган эди.