Туркия Қора денгизда балиқ овлашнинг барча турларини тўхтатди

АNKARA. Кazinform - Туркия Қора денгизда барча турдаги балиқ овлашни тўхтатди. Қарор Болгария ва Кефкен ўртасидаги қисмга тегишли бўлиб, кейинги хабарномага қадар амал қилади, деб хабар беради Kazinform Аnadolyга таяниб.

Хавфсизлик нуқтаи назаридан 26 мартдан бошлаб Болгария ва Кефкен ўртасидаги Қора денгиз сувларида тунги вақтда барча турдаги балиқ овлаш тўхтатилди.

Бу ҳақда шанба куни Туркия Қишлоқ ва ўрмон хўжалиги вазирлиги маълум қилди.

«Турк балиқчилари ва халқининг ҳаёти ҳамда мол-мулки хавфсизлиги учун бугундан кейинги хабарга қадар барча турдаги балиқ овлаш, шу жумладан кечки пайтдан тонг отгунча кичик кемаларда балиқ овлаш тўхтатилди», — дейилади Туркия вазирлиги баёнотида.

Эслатиб ўтамиз, аввалроқ Босфор бўғозидан топилган объект эски мина бўлиб чиққани маълум қилинганди. Босфор бўғозида кемалар ҳаракати тўхтатилди. Туркия Мудофаа вазирлиги Босфор бўғозидаги ушбу модданинг зарарсизлантирилгани ҳақида маълум қилди.