Туркия Ғазодаги можарони ҳал қилишда кафил бўлишга тайёр – Эрдоған

ANKARA. Kazinform – Туркия Исроил ва ХАМАС ўртасидаги можарога барҳам бериш кафолати механизми бўйича масъулиятни ўз зиммасига олишга тайёр. Бу ҳақда Туркия президенти Режеп Таййип Эрдоған сешанба куни Фаластин президенти Маҳмуд Аббос билан ўтказган қўшма матбуот анжуманида маълум қилди.

Бу ҳақда Anadolu агентлиги хабар берди.

“Бизга оғзаки тинчлик эмас, кафолатли адолатли тинчлик керак”, – деди Туркия президенти.

Туркия раҳбарининг сўзларига кўра, мустаҳкам тинчликка эришишнинг ягона йўли – 1967 йилдаги пойтахти Шарқий Қуддус билан чегарадош, мустақил, суверен ва географик жиҳатдан бирлашган Фаластин давлатини барпо этишдир.

“Фаластин-Исроил муаммосига адолатли ечим топилмагунча, Яқин Шарқда тинчлик ўрнатишнинг иложи йўқ”, – деди у.

Эрдоған, Исроилнинг "ноқонуний позицияси"ни Ғарб кучларидан олган ёрдами билан изоҳлади.

Туркиянинг Фаластин халқи билан бирдамлигини билдирган президент, Туркия ҳукумати Ғазо секторидан 900 дан ортиқ беморни даволаш учун қабул қилганини, шунингдек, анклавда дала касалхонаси қуриш устида иш олиб бораётганини айтди.

М.Аббас халқаро ҳамжамият Фаластин халқини ҳимоя қилиши кераклигини таъкидлади. “Фаластиннинг халқаро ҳимоясини таъминлаш бўйича саъй-ҳаракатларни кучайтириш зарур”, - деди ва Фаластин Бирлашган Миллатлар Ташкилотига аъзо бўлиши кераклигини қўшимча қилди.

М. Аббос мамлакати Туркиянинг Фаластин масаласидаги ролини юқори баҳолашини айтиб, Туркия доимий равишда қўллаб-қувватлагани учун миннатдорчилик билдирди.