Туркия фуқароларига турмушга чиқишда ўзбекистонликлар 2-ўринни эгаллади

2024 йил давомида Туркияда чет эллик фуқаролар билан тузилган никоҳлар сони бўйича Ўзбекистон фуқаролари 2-ўринни эгаллади. Бу ҳақда Туркия Статистика Институти хабар қилди.

Таъкидланишича, ўтган йили Туркияда чет эллик аёллар билан тузилган никоҳларнинг 9,2 фоизини, яъни, 3 509 нафарини ўзбекистонликлар ташкил этган.

Туркияликлар оила қураётган аёллар яшовчи чет эл давлатлари биринчилигида 3 519 нафар никоҳ билан Сурия турибди. Учинчи ўринни эса 2 427 нафар билан Марокаш эгаллаган.

Бундан ташқари, туркиялик қизлар турмушга чиққан хорижликлар рейтингида ҳам Сурия мамлакати етакчи.