Туркий давлатлар ягона алифбо яратиш масаласини муҳокама қилмоқда

ANKARA. Kazinform - Туркий давлатларнинг тил бирлиги ва умумий алифбога ўтиш жараёнини жадаллаштириш мақсадида ягона алифбо яратиш комиссияси тузилди. Ягона алифбо яратиш бўйича комиссиянинг биринчи йиғилиши Қирғизистонда бўлиб ўтади, дея хабар бермоқда Kazinform Anadolu агентлигига таяниб.

Туркиянинг Бурса шаҳрида ўтказилган ва Тил кунининг 90 йиллигига бағишланган «Турк дунёси умумий алифбосига бағишланган семинар»да Туркий давлатлар ташкилотига ягона алифбо яратиш бўйича комиссия тузиш тўғрисидаги қарор тақдим этилди.

Семинарни Турк тили жамияти раҳбари Гюрер Гулсевин олиб борди. Унда Туркий давлатлар ташкилоти Оқсоқоллар кенгаши раҳбари, Туркия Адолат ва тараққиёт партияси раиси ўринбосари Бинали Йилдирим иштирок этди.

Семинарда туркий давлатлар олимлари ўз мамлакатларида кечган алифбо ва тарихий тил жараёнлари ҳақида маълумот бериб, ягона алифбога ўтиш жараёнини жадаллаштириш ва туркий давлатлар ўртасида тақсимланиши муҳимлигини таъкидладилар.

Семинар доирасида ТДТ қошида «Ягона алифбо яратиш комиссияси»ни тузишга қарор қилинди.

Комиссия таркибига туркий давлатларда тил сиёсати билан шуғулланувчи ҳар бир расмий тузилмадан икки нафар аъзо киради.

Комиссия ТДТ Оқсоқоллар Кенгашига ягона алифбо бўйича ҳисобот тақдим этиши керак.

Қирғизистонда ягона алифбо яратиш бўйича комиссиянинг биринчи йиғилиши бўлиб ўтади.