Туркистонда экологик акция доирасида умумхалқ шанбалиги ўтказилди

TÜRKISTAN. Кazinform - Бугун Туркистон шаҳрида кенг кўламли шанбалик бўлиб ўтди. Тадбирда шаҳар оқсоқоллари, кўнгилли ёшлар ва шаҳар аҳолиси иштирок этди.

Муқаддас шаҳардаги «Жеңіс» истироҳат боғи ва бошқа дам олиш масканларида жами 1000 нафардан ортиқ фуқаролар тозалик ишларини олиб борди. Тадбирдан кўзланган мақсад маънавий пойтахт аҳолисини тозаликка ўргатиш, ҳар бир фуқаронинг шаҳар келажаги учун меҳнат қилиши муҳимлигини тушунтиришдан иборат.

– “Биз, яъни шаҳарнинг олдинги авлод вакиллари бу ёшларга ўрнак бўлишимиз керак. Шунинг учун биз кенг кўламли тозалаш ишларини бошладик. Шанбаликни «Жеңіс» боғидан бошлашимиз муҳимдир. Чунки бу дам олиш маскани ҳам шаҳар меҳмонлари, ҳам аҳоли ташриф буюрадиган маскан ҳисобланади. Шу боис шаҳар ёшлари ва аҳолисини тозалик акциясини фаол қўллаб-қувватлашга чақираман”, – дейди вилоят оқсоқоллар кенгаши раиси Жарилқасин Азиретбергенов.

Тадбир иштирокчилари шанба куни фаоллик кўрсатиб, тозалик маданиятини шакллантиришда фаол иштирок этдилар.

– “Йил бошидан буён давом этаётган экоакция доирасида шаҳримизда кенг кўламли шанбаликлар мунтазам ташкил этилмоқда. Бу ишлар туфайли аҳоли ўртасида тозалик маданияти шаклланаётганини кўриш мумкин. Шаҳар аҳолисини тозалик тадбирларига қўшилишга таклиф қиламиз”, — деди тадбирда иштирок этган Туркистон вилояти Кенгаши депутати Инара Намазбаева.

Апрель ойида Туркистон шаҳрида Давлат раҳбари Қасим-Жомарт Кемелули ташаббуси билан ўтказилган “Тоза Қозоғистон” республика экоакцияси доирасида катта ишлар амалга оширилди. Шу кунгача 100 дан ортиқ тозалаш тадбирлари ўтказилди ва ҳар ҳафта 10 мингга яқин аҳоли шанбалик ишларини бажарди.

Туркистон шаҳрида жами 875 та кўча санитария тозалиги билан таъминланган. Таъмирлаш ишлари мунтазам равишда олиб борилмоқда. Уларнинг 136 таси механик йўл билан тозалаш ишлари олиб борилмоқда. Шаҳар ҳудуди 6 секторга бўлинган. Бугунги кунда шаҳарда 32 боғ ва 32 дам олиш хиёбонлари мавжуд. Айни пайтда вилоят марказидаги майсазор майдони 262 гектарга етди. Акция доирасида 8 гектар майдонга 1 миллион тупга яқин кўчат ўтқазилиб, гуллар экилди.