Туркистонда 2,5 тонна наврўз гўжаси пиширилди
TÚRKІSTAN. Kazinform – Вилоятда 2025 йилги сайёҳлик мавсуми очилди.
“Туркистон – туркий дунёнинг маънавий пойтахти” мавзу билан вилоятнинг туристик мавсуми очилди. Ҳудуднинг сайёҳлик салоҳияти, инфратузилмасини юксалтириш, меҳмонларга юқори савияда хизмат кўрсатиш мақсадида ташкил этилган тадбирда томошабинларга ўзига хос шоу дастурлари тақдим этилди.
«Jana lep» ижодий жамоаси қозоқ миллий куй-қўшиқларини ижро этиб, йиғилганларни хушнуд этди. Шунингдек, замонавий қўшиқлар янгради, болалар миллий ўйинларни ўйнади.
Сайёҳларни ҳам, туркистонликларни ҳам лол қолдирган байрамдан тарихий шахслар ва қаҳрамонлар карвони ўтди.
Сайёҳлик байрамида 2,5 тонналик наврўз гўжаси пиширилиб, аҳолига тақдим этилди. Гўжа 150 тенгедан сотилди. Йиғилган барча маблағлар болалар уйига ўтказилади. Меҳмонлар ва туркистонликлар бир-бирларини байрам билан табрикладилар.
Сеҳргарлар шоуси намойиш этилди, барабанлар шоуси ташкил этилди. Турли танловлар, ҳунармандлар намойиши бўлиб ўтди.
Эслатиб ўтамиз, аввалроқ Туркистон “КинЕС” рекордлар китобига кириш ниятида эканини ёзган эдик.
