Туркистон вилоятида деструктив диний оқим тарафдорлари сифатида қайд этилган Ўзбекистон фуқаролари қўлга олинди

Туркистон вилоятида халқаро қидирувга берилган деструктив диний оқим тарафдорлари қўлга олинди, деб хабар беради Kazinform.

ҚР ИИВ матбуот хизмати Отирар туманида 2021 йилдан буён халқаро қидирувда бўлган 54 ёшли Ўзбекистон фуқароси қўлга олинганини маълум қилди. Эркак ўз мамлакатида “Ўғирлик” моддаси бўйича оғир жиноят содир этгани учун қидирувга берилган эди.

Бир кун ўтиб, фирибгарлик учун халқаро қидирувга берилган яна бир 33 ёшли Ўзбекистон фуқароси қўлга олинди. Қидирувда бўлган иккала жиноятчи ҳам бузғунчи диний оқим тарафдорлари сифатида қайд этилган.

Улар юзасидан тегишли процессуал қарор қабул қилинади.