«Тур де Франс» 6-босқичи ғолиблари аниқланди

NUR-SULTAN. Kazinform – Словениялик велоспортчи Тадей Погачар «Тур де Франс»нинг олтинчи босқичи юлдузига айланди, дея хабар беради Kazinform Euronewsга таяниб.

Ғолиб Бельгиядаги Беншедан Франциядаги Лонгвигача умумий узунлиги деярли 220 км бўлган супер кўп кунлик пойганинг энг узун босқичида биринчи бўлди.

Словениялик 23 ёшли спортчига «Тур де Франс» мусобақасида сариқ рангли форма бу йил илк бор насиб этди.

Австралиялик Майкл Мэттьюс пойгада иккинчи бўлди. Кучли учликка француз спортчиси Давид Годю ҳам кирди.

Словения олти турдан сўнг умумий рейтингда пешқадамлик қилмоқда.

Америкалик спортчи Нилсон Паулесс ундан 4 сония орқада.

Нейтрал мақомда байроқсиз иштирок этган россиялик Александр Власов умумий классификацияда еттинчи ўринга кўтарилди.

Нуфузли велоспорт турнирининг еттинчи босқичи Франциянинг Вогеза тоғ тизмаларида бўлиб ўтади. У ердаги масофанинг узунлиги 176 километрдан ошади.

Фото: ru.euronews.com