Транспортчилар иш ташлаши оқибатида юз минглаб европаликлар азият чекмоқда

ASTANA. Kazinform – Францияда 200 мингдан ортиқ одам темир йўлчиларнинг иш ташлаши туфайли Рождество байрамини режадагидек нишонлаш имкониятидан маҳрум бўлиши мумкин. Бу ҳақда Еuronews телеканалига таяниб, Kazinform хабар берди.

Дам олиш кунларида бешта поезддан иккитаси, асосан тезюрар линиялар бекор қилинади.

Бундай вазиятга йўл қўймаслик учун француз йўл оператори Янги йил дам олиш кунларида имтиёзлар берди ва касаба уюшмаларига ходимлар учун яхшиланган шарт-шароитларни, жумладан, кўпроқ иш ўринлари ва бонусларни таклиф қилди.

Қўшни Буюк Британияда вазият янада мураккаб.

У ерда жума кунидан бошлаб 31 декабрга қадар деярли барча транспорт ходимлари, жумладан тез ёрдам ҳайдовчилари иш ташлашмоқда.

Шунингдек, почта, чегара ва йўл хизматлари ходимлари, тиббиёт ходимлари, ҳаттоки автомактабларнинг имтиҳончилари ҳам ишга келмайди.

Иш ташлашлар Бош вазир Риши Сунакнинг консерватив ҳукуматига босим ўтказмоқда, у давлат сектори ходимларининг иш ҳақини сезиларли ошириш ҳақидаги талабларини рад этмоқда.

Фото: ru.euronews.com