Транскаспий йўналиши Хитойнинг «Бир камар, бир йўл» ташаббуси билан уйғунлашган – ҚР Президенти

ASTANA. Kazinform – Транскаспий йўналиши Хитойнинг «Бир камар, бир йўл» ташаббуси билан бирлаштирилган. Бу ҳақда ҚР Президенти Қасим-Жомарт Тоқаев «Марказий Осиё – Европа Иттифоқи» давлат раҳбарларининг иккинчи йиғилишидаги нутқида маълум қилди, деб хабар беради Ақорда матбуот хизмати.

«Марказий Осиё «Хитой-Европа» йўналишидаги қуруқликдаги транзит транспортининг 80 фоиздан ортиғи учун кўприк саналади. Шу билан бирга, ҳозирги даврда Транскаспий халқаро транспорт йўналиши стратегик аҳамиятга эга бўлди. Бу йўналиш ҳудудларимиз ўртасидаги ўзаро алоқаларни сезиларли даражада ошириши мумкин. Яқинда Хитойга қилган давлат ташрифим чоғида хитойлик ҳамкорларимиз билан биргаликда Сиань шаҳрида логистика терминалига пойдевор қўйдик. Бу порт контейнер поездларини Марказий Осиё ҳудуди орқали тўғридан-тўғри Европага жўнатиш учун муҳим марказ бўлади. Шунингдек, биз Транскаспий йўналишини Хитойнинг «Бир камар, бир йўл» ташаббуси билан бирлаштиришга келишиб олдик. Қайд этишни истардимки, ўтган йили ушбу автомобиль йўли орқали қарийб 1,7 миллион тонна юк ташилган. Бу 2021 йилга нисбатан икки баробар кўп», – деди Қозоғистон Республикаси Президенти.