Трампнинг тарифлари қимматли қоғозлар бозорига таъсир қилдими
ASTANA. Kazinform – АҚШ президенти Дональд Трамп импорт қилинадиган товарларга 10 фоиздан 49 фоизгача бўлган янги тарифларни эълон қилганидан сўнг жаҳон технология гигантларининг акциялари пасайгани кузатилди, деб хабар беради Kazinform мухбири NBC Newsга таяниб.
Чоршанба кунги савдоларда Apple акциялари 6 фоиздан кўпроққа тушиб кетди ва йирик компанияларда янада кенгроқ пасайишга олиб келди.
Apple даромадининг асосий қисми асосан Хитой ва бошқа бир қанча Осиё мамлакатларида ишлаб чиқарилган қурилмалардан тушади.
Тайванда янги чиплар ишлаб чиқарадиган ва сунъий интеллект тизимларини Мексика ва бошқа мамлакатларда йиғувчи Nvidia акциялари тахминан 4 фоизга, электромобиль ишлаб чиқарувчи Tesla компаниясининг акциялари эса 4,5 фоизга арзонлашди.
Қолган мегакомпаниялар орасида Alphabet, Amazon ва Meta акциялари 2,5% дан 5% гача тушди, Microsoft акциялари эса деярли 2% га тушди.
