Тожикистонда яна 5,6 магнитудали зилзила юз берди

ASTANA. Kazinform – Қозоғистон Республикаси Таълим-маориф вазирлигининг Сейсмологик тажриба-методик экспедицияси давлат муассасаси сейсмик станциялар тармоғи бугун Алмати вақти билан 7 соат 35 дақиқа 54 сонияда зилзила қайд этди, деб хабар бермоқда Kazinform.

Зилзила эпицентри Алмати шаҳридан 636 километр жануби-ғарбда, Тожикистон ҳудудида жойлашган.

«Зилзиланинг энергия тоифаси 11,8 балл. MPV магнитудаси 5,6. Чуқурлиги 20 км. MSK-64 кўрсаткичи бўйича маълумот келиб тушган йўқ», - деди навбатчи оператор.

Эслатиб ўтамиз, бугун эрталаб Тожикистонда 7 балли зилзила қайд этилган ва буни Алмати аҳолиси ҳам ҳис қилган.