Тошкентлик талаба Стивен Кинг ҳикоясини фильмга олиш ҳуқуқини 1 долларга сотиб олди
Бутунроссия давлат кинематография университети (ВГИК) Тошкент филиали талабаси Гулнора Иванова замонамизнинг энг машҳур ёзувчиларидан бири Стивен Кинг билан шартнома тузиб, унинг 1981 йилда чоп этилган «Қўл бериб кўришмаган одам»номли ҳикоясини фильмга олиш ҳуқуқини бор-йўғи 1 долларга сотиб олди.
Хоррор жанрида «Тегиниш» номли қисқа метражли фиьмнинг яратилиши Гулноранинг кино санъатида тан олиниш йўлидаги илк қадами бўлди. Фильм Малайзиядаги Nitiin International Film Festivalда тақдим этилган ва у ерда «Энг яхши триллер» номинациясида фахрий мукофотга сазовор бўлган. Худди шу тадбирда Гулнора Student World Impact Film Festivalнинг дипломини олди.
Ҳозирда ВГИКнинг Тошкент филиали кўмагида талаба ўзининг «Кўзларингизни очинг» номли янги фильмини суратга олиш ва монтаж ишларини якунламоқда, унинг трейлери The Panama Series Festivalда (Панама) «Энг яхши трейлер» номинациясида ғолиб бўлди.
