ТОП-5: Қозоғистонда энг оммабоп миллий спорт турлари

ASTANA. Кazinform – Қозоғистон Республикаси Маданият ва спорт ишлари вазирлиги мамлакатдаги энг оммабоп 5 та миллий спорт турини эълон қилди, дея хабар беради Кazinform.

5 - ўрин. ОТ ЧОПИШ

От чопиш халқ орасида энг машҳур от спорти ҳисобланади. От пойгаси кўплаб томошабинларга эга бўлган миллий спорт тури бўлиб, унутилмас таассурот беради. Бугунги кунда мамлакатда 753 чавандозлар тайёрлаш тўгараклари фаолият кўрсатмоқда. Бу ерда 21 мингга яқин бола миллий спорт турининг сир-асрорларини ўрганади.

4 - ўрин. ОШИҚ ОТИШ

Ошиқ отиш – қозоқларнинг миллий ўйини. У болаларни эпчилликка, тезликка, мерганликка ўргатади. Қозоғистонда 2237 та ўйин тўгараги мавжуд. У ерда 77 мингдан ортиқ бола миллий спорт тури билан шуғулланади.

3 - ўрин. КЎПКАРИ

Кўпкари томошабинлар сони ва иштирокчилар сони бўйича пешқадам миллий спорт турларидан бири ҳисобланади. Мамлакатда 78 мингдан ортиқ аҳоли кўпкари спорти билан шуғулланади. Уларни ўқитиш ва малакасини ошириш учун 916 та тўгарак фаолият кўрсатмоқда.

2 - ўрин. ҚОЗОҚ КУРАШИ

Жанговар спорт ҳар доим халқ орасида жуда машҳур бўлган. Улар орасида қозоқ кураши иштирокчилар ва мухлислар сони бўйича биринчи ўринда туради. Бугунги кунда мамлакат бўйлаб 4427 қозоқ кураши тўгараги фаолият кўрсатмоқда. Унда 159 мингга яқин киши миллий спорт тури билан мунтазам шуғулланади.

1 - ўрин. ТЎҒИЗҚУМАЛОҚ

Мамлакатдаги миллий спорт турлари ичида энг оммабоп тури тўғизқумалоқдир.

Инсоннинг фикрлаш қобилиятини ривожлантирувчи, зукколикка тарбия берувчи интеллектуал ўйин ёшидан қатъи назар, ҳамма учун мавжуд. Қозоғистонда 6856 та тўғизқумалоқ тўгараги фаолият кўрсатмоқда. Унда 207 мингга яқин киши мунтазам иштирок этади.

2022 йилда миллий спорт турлари билан мунтазам шуғулланувчи қозоғистонликлар сони 580 мингдан ошди. Миллий спорт турлари бўйича тўгараклар сони эса 16555 тага етди.