Толибон аёлларга сотувчилар билан савдолашишни тақиқлади

ASTANA. Kazinform – Толибоннинг Эзгуликни тарғиб қилиш ва иллатларнинг олдини олиш вазирлиги ўзининг янги қонуни орқали аёлларга нисбатан чекловларни кучайтирди. Хусусан, аёлларга сотувчилар билан савдо қилиш тақиқланган. Бу ҳақда Hasht e Subh Daily нашри хабар берди.

Қайд этилишича, Толибоннинг айрим вилоятлардаги ахлоқ полицияси эркакларга ўз хотинига нисбатан тегишли буйруқлар берган. Улар аёллар сотувчилар билан савдолашганида, уларнинг овози бегона эркаклар томонидан эшитилиши ва бу “эркакларни йўлдан оздириши”ни даъво қилган.

Толибонга кўра, аёллар гаплашмасдан ва савдолашмасдан харид қилишлари керак.

Ахлоқ полицияси ўзларининг янги қонунларини амалга ошириш учун зўравонликни кучайтиргани айтилади. Фуқаролар ушбу қонундан жуда хавотирда. Улар бу зулм, қасос, репрессия ва кенг тарқалган суиистеъмоллик муҳитини яратишини айтган. “Толибон” аёллар қўлқоп кийиб, юзини тўлиқ беркитиши кераклигини таъкидлаган.

Эслатиб ўтамиз, Қирғизистон “Толибон”ни тақиқланган ташкилотлар рўйхатидан чиқарди.