Токио ва Боннда сакура гуллади
ASTANА. Кazinform — Токио ва Германиянинг Бонн шаҳарларида бир вақтда сакура гуллаш мавсуми бошланди, деб ёзади Euronews.
Германиянинг Бонн шаҳрида япон сакурасининг гуллаш мавсуми бошланди. Бу йил одатдагидан икки ҳафта олдин бошланди ва ўсимлик куртаклари тўлиқ очилди. Одатда бу ерда сакура апрель ойининг ўрталарида гуллай бошлайди.
Маҳаллий аҳоли билан бир қаторда бошқа мамлакатлардан ташриф буюрувчилар ҳам ажойиб манзарадан баҳраманд бўлишга шошилишмоқда. Шу муносабат билан шаҳар маъмурияти ҳайдовчиларга тирбандликдан қочиш учун шаҳар марказидаги Хеерштрассе ва Брейтештрассе каби кўчалардан фойдаланишни тавсия қилди.
Сакуранинг эрта гуллашининг сабаби қишнинг илиқ бўлишидир. Гуллаш даври икки ҳафтадан ошмайди. Олимларнинг фикрича, кун қанчалик иссиқ бўлса, гуллар тезроқ тушади.
Токиода бу йил сакуранинг гуллаш даври кеч. Миллий об-ҳаво хизмати шанба куни гуллаганини эълон қилди, бу ўтган йилгидан 15 кун кечроқ.
Токиодаги Ясукуни зиёратгоҳидаги дарахтларда камида бешта куртак очилганда сакура гуллаш мавсуми бошланади.
