«Титан» батискафини ишлаб чиқарувчи компания раҳбарининг рафиқаси «Титаник»да бўлган эр-хотиннинг авлоди

NEW YORK. Kazinform - Атлантика океанида портлаган «Титаник» сув ости кемаси бортида бўлган OceanGate бош директори Стоктон Рашнинг рафиқаси «Титаник»да ҳалок бўлган биринчи тоифали йўловчиларнинг бевосита авлоди, деб хабар беради Kazinform Fox News телеканалига таяниб.

Раш 18 июнь куни ўз компаниясининг сув ости кемаси «Титан»да «Титаник» қолдиқларини кўриш учун йўлга чиққан беш йўловчидан биридир. Унинг рафиқаси Венди Раш 1912 йилда Атлантика океанини кесиб ўтаётганда айсбергга урилган ва чўкиб кетган «Титаник» бортидаги 1500 дан ортиқ одам орасида бўлган Исадор ва Ида Штрауснинг невараси. Титаник чўкиб кетганда, Штраус жуфтлиги бортда қолишга қарор қилади.

«Экипаж аъзолари аёллар ва болаларни қутқармоқчи бўлганида, Ида Штраус қутқарув қайиғига чиқишдан бош тортди», - деди уларнинг невараси Пол Курцман Fox News телеканалига.

Фото: Getty Images

Жеймс Кемероннинг 1997 йилда суратга олинган блокбастери «Титаник» фильмида уларнинг севги ҳикояси (тўшакда қўл ушлашган кекса эр-хотин) тасвирланган.

Венди ва Стоктон Раш 1986 йилда турмуш қуришган. Ўзининг LinkedIn профилига кўра, OceanGate компаниясида алоқа бўйича директор сифатида ишлайди. У илгари OceanGate жамғармаси президенти лавозимида ишлаган.

61 ёшли Стоктон Раш ва яна 4 нафар экипаж аъзоси «Титан» батискафи экипажи якшанба куни Атлантика океани тубига саккиз соатлик шўнғинга чиқишди.

Тахминан 1 соат 45 дақиқалик саёҳатдан сўнг сув ости кемаси Канаданинг «Полярный принц» тадқиқот кемаси билан алоқани йўқотди. Кенг миқёсдаги қидирув-қутқарув операцияси Ньюфаундленд (Канада) соҳилларида маҳаллий вақт билан соат 17:40 атрофида, «Титан» сувга чиқиши керак бўлганидан тахминан уч соат ўтгач бошланди.

Куни кеча АҚШ қирғоқ қўриқлаш хизмати Шимолий Атлантика океанида ғойиб бўлган «Титан» сув ости кемасини қидириш ҳудудида баъзи сузувчи жиҳозларнинг парчалари топилганини маълум қилди. Экипаждаги барча беш киши ҳалок бўлган.