Теннис бўйича ЖЧ: Қозоғистон ўсмир қизлари саралаш турнирининг чорак финалига чиқди

ASTANА. Кazinform – Қозоғистон қизлар терма жамоаси Чимкент шаҳрида теннис бўйича 16 ёшгача бўлган ўсмирлар ўртасида ўтказилаётган Осиё-Тинч океани минтақасидаги жаҳон чемпионатининг чорак финалига чиқди, деб хабар беради Kazinform мухбири.

Қозоғистон теннис федерацияси хабарига кўра, бугун қозоғистонлик қизлар Эрон терма жамоаси билан баҳслашди.

Шамолли кун бўлишига қарамай, қозоғистонликлар ёмон об-ҳавога тезда мослашди.

Дастлаб бир соатдан сал кўпроқ давом этган баҳсда Анастасия Кримкова Атфи Нитидан устун келди - 6:3, 6:3.

Ариана Гогулина Ясаман Язданийдан бир хил – 6:3, 6:3 ҳисобида устун келди.

Учинчи ўйинда А.Кримкова Полина Слепцова билан биргаликда Қозоғистон терма жамоасига учинчи очко келтирди – 6:4, 6:1.

Шу тариқа қозоғистонликлар муддатидан аввал чорак финал йўлланмасини қўлга киритди. 3 май куни Ярослава Шведова шогирдлари Японияга қарши баҳс олиб боради. Япония ҳам муддатидан олдин чорак финалга чиқди. Шу боис ушбу мусобақада В гуруҳида биринчи ўринни эгаллаган ҳолда чорак финалга кимлар чиқиши ҳал бўлади.

3 май оқшомида чорак финалга қуръа ташланади. Жаҳон чемпионатига Осиё-Тинч океани минтақасидан фақат учта жамоа йўлланма олади.

Эслатиб ўтамиз, аввалроқ Қозоғистон ёшлари саралаш турнирини ғалаба билан бошлагани ҳақида хабар берган эдик.

Муаллиф: Ғайсағали Сейтақ