Столтенберг НАТО бош котиблигидан кетганидан кейин қаерда ишлайди

ASTANA. Kazinform – Politico нашри хабар беришича, 1 октябрга қадар НАТО бош котиби сифатидаги фаолиятини якунлайдиган Йенс Столтенберг Мюнхен хавфсизлик конференциясининг янги раиси бўлади, деб хабар беради Kazinform агентлиги TASSга таяниб.

Нашрнинг ёзишича, Столтенберг бу лавозимни 2025 йилнинг февралида Мюнхен конференциясидан кейин эгаллайди.

Портал манбасининг тушунтиришича, 2022 йилда раислик лавозимини эгаллаган Кристоф Хойсген ўз лавозимини тарк этади, собиқ раҳбар Вольфганг Ишингер эса Мюнхен хавфсизлик конференцияси жамғармаси бошқаруви президенти бўлиб қолади.

Норвегиянинг собиқ бош вазири Столтенберг 2014 йилдан бери НАТО бош котиби лавозимида ишлаб келмоқда. Унинг ваколати 30 сентябрда тугайди. 1 октабрдан Столтенберг ўрнига Нидерландиянинг собиқ бош вазири Марк Рютте тайинланади.