Сирдарёнинг қуйи қисмини тиклаш учун 500 миллион тенге ажратилди

ASTANA. Kazinform - Кўкарал тўғонини сақлаб қолиш ва Сирдарёнинг соқасини тиклаш учун 500 миллион тенге ажратилди. Бу ҳақда Қозоғистон Республикаси Бош вазири Алихан Смаиловнинг Сенат депутатлари саволига берган жавобида айтилди, деб хабар беради Kazinform мухбири.

«Кўкарал тўғонини сақлаш ва Сирдарё дарёси оқимини тиклаш» лойиҳасини молиялаштириш бўйича депутатлик сўровларингизни кўриб чиқиб, қуйидагиларни маълум қиламан. 2023-2025 йилларга мўлжалланган республика бюджетини шакллантириш жараёнида лойиҳанинг лойиҳа-смета ҳужжатлари давлат экспертизасидан ўтказилди. Жорий йилнинг сентябр ойида давлат экспертизасининг ижобий хулосаси олинди ва 2022 йилги республика бюджетига ўзгартириш киритиш чоғида лойиҳани амалга оширишни бошлаш учун 500 миллион тенге миқдорида маблағ ажратилди»

, — дейилади Ҳукумат раҳбари жавобида.

Унинг маълумотларига кўра, бугунги кунда ажратилган маблағлар ҳисобидан бажарилган тупроқ ишлари (тупроқ қазиш ва текислаш) ҳажми 125 минг 624 куб метрни ташкил этади. Бундан ташқари, тўғондан 1 км узоқликда ўсимлик қатлами тозаланди.

«Лойиҳани янада амалга ошириш учун ҚР Экология, геология ва табиий ресурслар вазирлиги томонидан 2023-2024 йилларда қурилиш-монтаж ишларини молиялаштириш бўйича бюджет аризаси тайёрланди. У 2023-2025 йилларга мўлжалланган республика бюджетини белгиланган тартибда аниқлаштириш доирасида кўриб чиқилади»

, — деди Алихан Смаилов.

Муаллиф: Марлан Жиембай