Шинжонда энергия ишлаб чиқариш ортиб бормоқда

BEIJING/ Kazinform - Шинжон-Уйғур автоном районида (ШУАР, Хитой шимоли-ғарбида) ўтган йили энергия ишлаб чиқариш ҳажми ошган. Буни ХХР ШУАР Халқ ҳукумати раиси Эркин Туниёз Урумчи шаҳрида бўлиб ўтган минтақавий Халқ вакиллари кенгашининг йиллик сессияси очилишида тақдим этган маълумотларида айтди, деб хабар беради Kazinform мухбири.

Шинжон Хитойнинг йирик кўмир етказиб берувчиси бўлиб, ушбу табиий ресурс ишлаб чиқаришни 500 миллион тоннадан ортиқроққа етказишни мақсад қилган.

Шинжонда 10,7 фоизга ўсиш билан қарийб 457 миллион тонна кўмир ишлаб чиқарилган. Ўтган йили Хитойнинг бошқа ҳудудларига 100 миллион тонна кўмир жўнатилди. ШУАРда хом нефть қазиб олиш 32,7 миллион тоннани ташкил этиб, йиллик ўсиш 1,6 фоизни ташкил этди. Табиий газ қазиб олиш ҳажми қарийб 41,73 миллиард куб метрни ташкил этиб, ўтган йилнинг шу даврига нисбатан 2,5 фоизга ўсди.

Ҳисобот даврида Шинжонда янги энергия манбаларидан электр энергияси ишлаб чиқаришнинг ўрнатилган қуввати 64,43 миллион кВтгача ошиб, Шинжоннинг умумий ўрнатилган қувватининг 44,6 фоизини ташкил этди.

30 январдан 2 февралгача Урумчи шаҳрида ШУАР Халқ вакиллари кенгашининг йиллик сессияси бўлиб ўтади.

Муаллиф: Руслан Сулейменов