Шарқдан Ғарбга: Алматидаги кўргазмада 140 дан ортиқ коллекция қўғирчоқлари намойиш этилди
ALMATY. Kazinform - Қозоғистон Республикаси Марказий давлат музейида коллекцион қўғирчоқлар кўргазмаси очилди, деб хабар беради Kazinform агентлиги мухбири.
Кўргазмадан «Art Dolls Collection_KZ» ижодий уюшмаси усталарининг 140 та ноёб оригинал асарлари ўрин олган. Иштирокчилар географияси ҳам ҳайратланарли: Алмати, Астана, Риддер ва Жаркентдан 21 нафар уста келган.
Ушбу тадбир умумхалқ байрами – баҳор ва янгиланиш байрами Наврўзни нишонлаш арафасида ўтказилмоқда.
“Шарқдан Ғарбга” кўргазмасининг очилишида Алматилик машҳур рассомлар, галерея эгалари, коллекционерлар, ишбилармон доиралар вакиллари ва шаҳар аҳолиси иштирок этди.
Ташкилотчиларнинг сўзларига кўра, кўргазмадан кўзланган асосий мақсад Алмати аҳолиси ва меҳмонларига қозоғистонлик қўғирчоқ рассомларининг маҳорат даражасини намойиш этишдан иборат.
Кўргазмада Қозоғистоннинг бир қанча шаҳарларидан келган усталарнинг асарлари намойиш этилмоқда. Унга шаҳар аҳолиси ва меҳмонлари 3 апрелга қадар ташриф буюришлари мумкин.
