Сардинияда қурғоқчилик: фавқулодда ҳолат эълон қилинди ва сув чекловлари жорий этилди
ASTANA. Kazinform - Сардинияда узоқ давом этган қурғоқчилик туфайли ичимлик суви тақчиллиги сабабли фавқулодда ҳолат эълон қилинди, дея хабар беради Кazinform агентлиги Euronewsга таяниб.
Оролда бир неча ҳафта давомида ёмғир ёғмади, ҳаво ҳарорати 40°С га етди.
Сардия минтақавий кенгаши фавқулодда ҳолат 31 декабрга қадар давом этишини эълон қилди, чунки сув танқислиги фаолиятнинг мутлақо барча жабҳаларига: қишлоқ хўжалиги, саноат ва туризм соҳасига, сардинияликларнинг кундалик ҳаётига жиддий таъсир кўрсатмоқда.
Фавқулодда чоралар, шунингдек, сувдан фойдаланишни чеклашни ўз ичига олади - уй хўжаликлари ва корхоналар учун ҳам, алоҳида фуқаролар учун ҳам.
Орол маъмурлари, шунингдек, қурғоқчиликдан ҳимоя қилиш бўйича узоқ муддатли чора-тадбирлар ишлаб чиқиш ниятида ва Италия ҳукуматини мамлакатнинг йирик ороллари - Сардиния ва Сицилия учун ҳам худди шундай режаларни таклиф қилишга чақирмоқда.
