«Сарарқа» гази 2,7 млн одам истиқомат қиладиган 171 аҳоли пунктига тортилади

NUR-SULTAN. Kazinform – «Сарарқа» газ қувури 2040 йилгача 2,4 млн одам истиқомат қиладиган 171 аҳоли пунктини газ билан таъминлайди. Бу ҳақда ҚР Бош вазири Асқар Мамин батафсил маълумот берди, деб хабар беради Kazinform мухбири.

Бош вазирнинг сўзларига кўра, 2019 йил 27 декабр куни Сарарқа газ қувурининг 1-босқичи қуриб битказилди ва фойдаланишга топширилди. Қувурнинг тармоқли қисмидан ташқари, Астана-1, Астана-2, Қарағанди, Темиртау ва Жезказған автоматлаштирилган газ тақсимлаш станциялари бор. Бундан ташқари, келажакда Жаирем, Аршали, Осакаров, Атасу, С.Сейфуллин, Шахтинск автоматлаштирилган газ тақсимлаш станцияларини маҳаллий ижро ҳокимияти органлари томонидан қуриш режалаштирилган.

Сарарқа лойиҳасининг техник-иқтисодий асосларига кўра, Сарарқа газ қувурининг биринчи босқичида 2040 йилга келиб 2,7 миллион аҳолиси бўлган 171 аҳоли пунктини газлаштириш режалаштирилган. Яъни, газ қувурининг гидравлик қуввати этарли ва қўшимча параллел тармоқлар қурилишини талаб қилмайди. Ҳозирги вақтда Нур-Султан, Ақмола ва Қарағанди вилоятларида магистрал газ қувурига уланиш учун газ тақсимлаш линиялари қурилишининг биринчи босқичи режалаштирилмоқда. У идорадан ташқари экспертизадан ўтди ва унга ижобий хулоса берилди. Нур-Султан шаҳри ва Қарағанди вилоятида газ тақсимлаш тармоғининг қурилиши ўтган йилнинг кузида бошланган. 2019 йилда республика бюджетидан Нур-Султан учун 3 миллиард, Қарағанди учун 2,4 миллиард танга ажратилди. Бу маблағлар тўлиқ ўзлаштирилди», - деди у.

Бош вазирнинг сўзларига кўра, 2020-2022 йилларда тасдиқланган бюджетда Нур-Султан учун 8,6 миллиард, Қарағанди вилояти учун 58,8 миллиард танга кўзда тутилган.

«Давлат эксперт хулосаси ўз вақтида олинмаганлиги сабабли Ақмола вилоятида қурилиш ишлари бошланмади. Аммо ҳозирда бу масала хал қилинмоқда ва Ақмола вилояти ҳокимлиги томонидан пудратчини аниқлаш учун тендер ўтказилмоқда. Бундан ташқари, Ақмола вилояти ҳокимлиги 2020 йилда республика бюджетидан газ тақсимлаш тармоғининг қурилишини молиялаштириш учун бюджет сўровини Энергетика вазирлигига тақдим этди. Ушбу бюджет сўрови Республика бюджет комиссиясига 2020 йилга мўлжалланган республика бюджетини дастлабки аниқлаштириш пайтида топширилади. Ушбу ҳудудда газ тақсимлаш тармоғини қуриш масаласи ҳукуматнинг доимий назоратида. Шу билан бирга, ҳукумат мамлакатнинг шимолий ҳудудларини газлаштириш учун «Сарарқа» газ қувурининг иккинчи ва учинчи босқичларини амалга оширишни кўриб чиқмоқда», - деди Асқар Мамин.

Муаллиф: Марлан Жиембай