Саиджамшид Жафаров профессионал боксда дебют қилади

TASHKENT. Kazinform - 30 ноябрь куни Россия Федерациясининг Екатеринбург шаҳрида профессионал бокс бўйича RCC Boxing оқшоми ташкил этилади, деб хабар беради Kazinform Ўзбекистон профессионал бокс федерацияси матбуот хизматига таяниб.

Турнир доирасида ўзбекистонлик яна бир чарм қўлқоп устаси — Саиджамшид Жафаров ҳам рингга кўтариладиган бўлди. Унга ўша куни россиялик Гор Оганесян рақиблик қилади. Жанг 6 раунд этиб белгиланган.

Бу Жафаров учун профессионал фаолиятидаги илк жанги бўлади. Оганесян ҳисобида эса 1 та ғалаба, 1 мағлубият ва 1 та дуранг бор.

Аввалроқ, турнир доирасида Бобоусмон Батуровнинг ҳам рингга чиқиши ҳақида хабар берган эдик.