18:00, 11 Май 2020 | GMT +6
Россия коронавирус тарқалиши бўйича учинчи ўринга чиқиб олди
NUR-SULTAN. Kazinform – Россия дунёда коронавирус билан касалланганлар сони бўйича Буюк Британия ва Италияни ортда қолдириб, учинчи ўринга чиқиб олди, деб хабар беради Kazinform ТАСС агентлигига таяниб.
Сўнгги маълумотларга кўра, Россияда коронавирус билан касалланганлар сони 221 344 кишига етган. Бирлашган Қироллик расмийлари 219 183 ҳолат ҳақида хабар қилишган, Италияда эса ушбу инфекцияни 219 070 киши юқтирган.
Британия ва Италия душанба кунги рақамларни ҳозирча эълон қилишмади.
Бугунги кунда Испания вирусни юқтирганлар сони бўйича дунёда иккинчи ўринда туради (224 390), касаллик тарқалиши бўйича яккаҳокимлик қилаётган АҚШда 1,4 миллион одам вирус юқтирган.
