Россия 2033 йилгача Қозоғистон ҳудуди орқали Хитойга 100 миллион тонна нефть экспорт қилишни режалаштирмоқда

ASTANА. Кazinform - Мажилис Россия нефтини Қозоғистон орқали Хитойга ташиш бўйича келишувга киритилган ўзгартиришларни маъқуллади.

“Юқорида қайд этилган шартнома 2013 йил 24 декабрда имзоланган бўлиб, шартнома шартлари ва Томонлар келишувларига мувофиқ 2014 йил июль ойида ратификация қилинган.

Томонлар келишувни 2024 йилдан 2033 йилгача узайтиришдан манфаатдор эканликларини билдирдилар ва 2013-йилда имзоланган шартномага ўзгартиришлар киритиш бўйича тегишли музокараларни бошладилар.

2014 йилдан 2023 йилгача бўлган даврда Қозоғистон Республикаси ҳудуди орқали Хитой Халқ Республикасига Россия нефтининг умумий транзити 90 миллион 899 минг 271 тоннани ташкил этди. Умумий даромад 1 миллиард 327 миллион доллар ёки 501 миллиард 981 миллион 476 минг 65 тенгени ташкил қилди”, — деди Алмасадам Сатқалиев.

Вазирнинг сўзларига кўра, Россия томони “Роснефть” СNPС билан келгуси 10 йил ичида 100 миллион тонна нефть етказиб бериш бўйича шартномани узайтирганини ва имзолаганини маълум қилди.

“Музокаралар натижаси 2023 йил 16 июнь куни Санкт-Петербургда келишувга ўзгартиришлар киритиш бўйича имзоланган протокол бўлди.

Музокаралар чоғида ТОН-2 йўналишидаги участкани шартномага киритиш ва “бир тонна учун 2 доллар” тарифини белгилаш таклиф этилди. Юқоридаги барча ўзаро таклифлар томонлар ўртасида келишиб олинди.

Шартноманинг узайтирилиши Павлодар нефтть-кимё заводидан Омск-Павлодар нефть қувури орқали Қозоғистонга нефть юкланишини таъминлайди. Ҳеч қандай хавф мавжуд эмас.

2024 йилдан 2033 йилгача бўлган даврда Россия нефтини Қозоғистон Республикаси ҳудуди орқали ХХРга транзитдан икки йўналиш бўйича олиб ўтишдан кутилаётган даромад 1 миллиард 851 миллион долларни ташкил этади. Агар алмаштиришдан олинган фойдани ҳисобга олсак, тушум миқдори 1 миллиард 710 миллион долларни ташкил қилади”, — деди Энергетика вазири.