Роналду расмий ўйинларда 900 та гол урган илк футболчи бўлди

ASTANА. Кazinform - Португалиялик ҳужумчи Криштиану Роналду фаолиятидаги 900-голини урди. 39 ёшли футболчи Миллатлар лигасининг 1-турида Хорватия дарвозасига гол киритди.

Ҳужумчи 34-дақиқада гол уриб, ҳисобни 2:0 кўринишига келтирди ва терма жамоасининг ғалабасига ҳисса қўшди. Бу гол Роналдунинг фаолиятидаги 900-голи бўлди.

Шу тариқа, Криштиану футбол тарихида расмий ўйинларда 900 та гол урган илк футболчига айланди. Бунинг учун Роналду 1237 та ўйинда иштирок этган. Роналду терма жамоа сафида 213 та ўйинда 131 та гол урган.

Эслатиб ўтамиз, бунгача Криштиану Роналдунинг YouTube канали биринчи миллион обуначилар йиғиш бўйича жаҳон рекордини ўрнатганини ёзган эдик.