Ревакцинация пайтида «Pfizer» вакцинасининг фақат битта компоненти билан эмланади

NUR-SULTAN. Kazinform – Қозоғистон фуқаролари ревакцинация вақтида «Pfizer» вакцинасининг иккита компонентини олишлари мумкинми? Бу саволга ҚР Соғлиқни сақлаш вазири Алексей Цой жавоб берди, деб хабар беради Kazinform мухбири.

«Бу бошқа вакциналар пуллик асосда жорий қилинганидан кейин мумкин бўлади. Фуқароларга ўз қарорига кўра бир ёки иккита вакцина олишга рухсат берамиз. Бироқ, ревакцинация пайтида битта дозани, яъни учинчи компонентни қабул қилиш тавсия этилади», - деди Алексей Цой Ҳукумат йиғилишидан кейин оммавий ахборот воситаларига берган интервьюсида.

Эслатиб ўтамиз, Қозоғистонда Comirnaty (Pfizer) вакцинасининг биринчи компоненти билан 188 906 киши эмланган. Уларнинг 150 669 нафарини ўсмирлар, 38 237 нафарини ҳомиладор ва эмизикли аёллар ташкил этади. Иккинчи компонент билан 19386 киши эмланди.