Рекорд: Қозоғистон электролиз заводи тўрт миллион тонна “қанотли” металл ишлаб чиқарди

PAVLODAR. Кazinform – Бу рекордни металлурглар корхона ишга тушганидан ва биринчи алюминий ишлаб чиқарилганидан буён 17 йилу 2 ой давомида қўлга киритдилар.

Павлодардаги Қозоғистон электролиз заводи (ҚЭЗ) “қанотли” металл ишлаб чиқариш бошланганидан бери тўрт миллион тонна бирламчи алюминий ишлаб чиқарди.

“Тўрт миллион тонна маҳсулот ишлаб чиқарилиши - корхонамиз тарихида алоҳида воқеа бўлди. Бу марра барча ходимларимиз меҳнати бўлиб, уларнинг ҳар бири ишлаб чиқаришга ҳисса қўшмоқда. Жамоамизнинг ҳар бир аъзоси туфайли ишлаб чиқариш йиллар давомида муваффақиятли ривожланди ва самаралироқ бўлди. Айни пайтда корхонада икки мингдан ортиқ ишчи-хизматчи ишлаб чиқариш анъаналарини давом эттириб, янги марраларни қўлга киритмоқда”, – дейди “Қозоғистон электролиз заводи” АЖ ишлаб чиқариш директори Мурат Жумабаев.

Металлурглар учун тўрт миллион тонна алюминийни тасаввур қилиш ҳам мўжиза эди. Агар кетма-кет 4 миллион пакет қўйсангиз, Павлодардан Москвага йўл қуриш мумкин. Агар шундай ҳажмда темир йўл ташиш бўлса, унда 65 минг вагондан иборат поезд керак бўлади.