Президент Тараз шаҳридаги ҳунармандлар кўргазмасини бориб кўрди

ТARAZ. Кazinform – Давлат раҳбари Қасим-Жомарт Тоқаев «Кўҳна Тараз» тарихий-маданий мажмуасида жойлашган Жамбил вилояти ҳунармандларининг кўргазмасини бориб кўрди. Бу ҳақда Kazinform Ақордага таяниб хабар беради.

Президентимиз «Шебер шаңырақ» ногиронлар жамоат бирлашмаси, «Өшпес мұра» Жамбил вилояти «Ҳунарманд» уюшмаси, «Жамбил вилояти ҳунармандлар уюшмаси», «Асил-Дизайн» модалар уйи ва бошқа ташкилотлар ҳунармандлари томонидан тайёрланган маҳсулотларни кўздан кечирди. Кўргазмада ҳунармандларнинг ёғоч, чарм ва кигиздан тайёрланган 29 маҳсулоти, кулолчилик, паннолар, миллий чолғу асбоблари, миллий либослар, от жабдуқлари, заргарлик буюмлари намойиш этилмоқда.

Давлат раҳбарига кўрсатилган «Кигиз уй» инсталяциясида ёшлар учун тўқувчилик, кигиздўзлик, чий ясаш, ип йигирув, каштачилик ва бошқа санъат турлари бўйича маҳорат сабоқлари ўтказилди.

Бундан ташқари, кўргазмада кўчманчиларнинг кўп асрлик анъанавий либослари, замонавий жаҳон услубида модернизация қилинган, неофольклор услубида тикилган, ёввойи гул ва ўтларнинг хушбўй ҳидидан тайёрланган атирлар намойиш этилди.

Яқинда Тараз жаҳон ҳунармандлари шаҳарлари рўйхатига киритилганлиги тўғрисида сертификат олди.

Фото: akorda.kz