Президент қозоғистонликларни байрам билан табриклади
ASTANА. Кazinform — Давлат раҳбари Қасим-Жомарт Тоқаев Амал(Ҳамал) куни билан табриклади, деб хабар берди Ақорда матбуот хизмати.
— Ҳурматли ватандошлар! Сизларни Наврўзнинг бошланиши - Амал куни билан чин қалбимдан табриклайман! Амал келганда соғлиқ-саломатлик сўрашиш — қадимий ўзига хос анъана. Қишдан омон чиқиб, серқуёш баҳорда омон қолган ака-ука ва опа-сингиллар шу куни бир-бирини кўришади. Ёшлар кексаларга салом бериб, дуоларини оладилар. Халқимиз азалдан қардошлик ва меҳр-оқибат, тинчлик ва саховатни ана шундай удумлар орқали тарғиб этиш, ўз авлодларига эзгу фазилатларни сингдиришни яхши билган. Буларнинг барчаси ҳозирги Қозоғистондаги Ҳалол фуқаро тушунчасига тўлиқ мос келади. Бугунги кунда Наврўз байрами олдидан қутлаш анъанаси қайта тикланиб, умуммиллий тус ола бошлади. Бу бетакрор анъана юртимиздаги аҳиллик ва фаровон бирликни янада мустаҳкамлашига ишонаман. Ҳар бир оила қувонч ва бахтга тўлсин! Барчангизга сиҳат-саломатлик ва фаровонлик тилайман! Ойда омон, йилда эсон бўлайлик! — деди Президент.
Эслатиб ўтамиз, Каzinform мухбири мифологнинг бугунги байрам муносабати билан Кўришув ёки Амал кунининг келиб чиқиши ҳақидаги талқинларини ўрганиб чиқди.
