Президент Чимкент шаҳри ҳокимини қабул қилди
Давлат раҳбарига учинчи мегаполиснинг ўтган йилги ижтимоий-иқтисодий ривожланиш кўрсаткичлари тўғрисида маъруза қилиниб, келгуси давр режаси тақдим этилди.
Мурат Айтеновнинг сўзларига кўра, ўтган йили шаҳар иқтисодиётига киритилган сармоя ҳажми 13,8 фоизга ошиб, 549,4 миллиард тенгега етган.
Кичик ва ўрта бизнес субъектлари сони 110 мингдан ошди. Вилоятда ишлаб чиқарилган жами маҳсулотнинг 40,7 фоизи шу соҳа тадбиркорларига тўғри келади.
Давлат раҳбарининг топшириғига кўра, жорий йилда шаҳарни ривожлантириш истиқболларини ҳисобга олган ҳолда янги бош режа тасдиқланади.
Президентга йил охиригача шаҳар атрофидаги туманлар аҳолиси ичимлик суви ва электр энергияси билан тўлиқ таъминланиши айтилди.
Чимкент шаҳрида «Қулай мактаб» миллий лойиҳаси доирасида 25 та мактаб қуриш режалаштирилган.
Йиғилиш якунида Қасим-Жомарт Тоқаев Мурат Айтеновга Чимкент шаҳрини ижтимоий муаммоларни ҳал этиш, шаҳар аҳолисининг ҳаёт сифатини яхшилаш, Чимкент шаҳрини янада ривожлантириш бўйича қатор вазифаларни юклади.
