Португалиядаги авиашоуда икки самолёт тўқнашиб кетди

ASTANA. Kazinform – Португалиянинг Бежа шаҳридаги авиашоуда маневр пайтида иккита самолёт тўқнашиб кетди, учувчилардан бири ҳалок бўлди, иккинчиси яраланди, деб хабар беради observador.pt.

Ҳалок бўлган учувчи Испания фуқароси, яралангани португалиялик.

Beja AirShow 1-2 июнь кунлари бўлиб ўтди.

Тадбир ташкилотчилари “самолёт ҳалокати атрофлича ўрганилади”, деб ваъда берди.

Ижтимоий тармоқларда ҳаводаги воқеа акс этган видео тарқалди.

Кадрларда кўриш мумкинки, битта самолёт гуруҳдан ажралиб чиқиб, кескин кўтарила бошлаган ва натижада бошқа самолётга урилган.

Шундан сўнг самолёт ерга қулаб, ёниб кетган.

Зарбага учраган иккинчи самолёт эса тезлик билан пастга туша бошлаган, бироқ ерга эсон-омон қўнишга муваффақ бўлган.