Помидор ва йогурт: давлат кўмагида қишлоқ хўжалиги бизнесининг муваффақиятлари

Помидор ва йогурт
Фото: Аграр кредит корпорацияси

Аграр кредит корпорацияси Чимкент ва Туркистон вилоятидаги кўплаб лойиҳаларни молиявий қўллаб-қувватлади. Давлат кредитлари эвазига иссиқхона бизнесини нолдан бошлаган тадбиркорлар тўртинчи ҳосилни йиғиб оляпти, деб хабар беради Kazinform.

Чимкентлик Азамат Қошимов бир неча йил аввал иссиқхона қурган эди. Имтиёзли кредит унга бизнесда муваффақият қозонишга ёрдам берди.

"Давлат қўллаб-қувватламаганида, биз буларнинг барчасига эриша олмасдик", - дейди сабзавот етиштирувчи. – Давлат дастурлари туфайли ишлаяпмиз. Биз 10 йил муддатга олти фоиз ставкада кредит олиб, ўз маблағимиздан озгина сармоя киритдик».

Иссиқхона Туркия технологияси асосида қурилган. Суғориш учун томчилатиб суғориш қўлланилади. Бу сув тўғридан-тўғри ўсимликларнинг илдиз зонасига етказиб бериладиган усул.

Азамат Қошимов таъкидлаганидек, помидор ва бодринг етиштиришда кимёвий моддалар ишлатилмайди, чунки маҳсулот экологик тоза бўлиши керак.

Туркистон вилояти
Фото: Аграр кредит корпорацияси

Туркистон ўлкасида эса сут маҳсулотларини тўлиқ қайта ишлаш циклини яратдилар. Голландия ва Чехиядан 600 дан ортиқ наслли сигирлар харид қилинди. Ҳар бири бир суткада камида 25 литр сут беради. Эрталабки сут заводга келади ва бир неча соатдан кейин қаймоқ, йогурт, кефир ва сариёғ шаклидаги маҳсулотлар сотувга чиқарилади.

Завод кунига 50 тонна маҳсулот ишлаб чиқариши мумкин.

– Ассортиментимизда 23 та турдаги сут маҳсулотлари мавжуд», – дейди технолог Злиха Абдулдаева. Жумладан, тўрт хил қаймоқ, тўрт хил қатиқ. Биз линияни кенгайтириш устида ишлаяпмиз».

Жорий йилда Аграр кредит корпорацияси филиали томонидан умумий қиймати 16 миллиард тенгедан ортиқ бўлган 1800 га яқин лойиҳа молиялаштирилди», – дейди “Аграр кредит корпорацияси”нинг Туркистон филиали директори ўринбосари Азат Муйтембаев.

Туркистон вилояти
Фото: Аграр кредит корпорацияси
Туркистон вилояти
Фото: Аграр кредит корпорацияси

 

 

Сўнгги хабарлар